Eslam Kabonga - إسلام كابونجا - Aywa Ya Habibty Wahashtiny

〈المقدمة〉
ليه يا نصيب وقفت بينا وبوظت علاقة حبنا؟
أنا ما أعرفش حاجة عنها يا اللي جرحتيني بكيتي عيني
(فيجو الدخلاوي)

〈إسلام كابونجا وكالوشا〉
قصة عمري هبتديها باللي شاركوا في زعلي وكسرتي
أنا محبوب في أي جيهة وكل الناس عارفة قصتي
مجروح قلبي مش هخبي أصل هتفضحني معاكوا دمعتي
بمجرد ما هحكي كلمة هتنزل وأداريها بضحكتي

〈إسلام كابونجا〉
أنا مجروح من أقرب ناس
قلبي عشان غلبان إتداس
كنت عاملكوا خدي مداس
وإنتوا جرحتوني جرح وجعني

〈كالوشا〉
هو عشان ساكت هتشاف
على قد الإيد أو خواف
أنا هعمل حملة إتلاف
وهقطع وش اللي هيمنعني

〈إسلام كابونجا〉
مينا البصل القباري بتعلن عن إتحاد كبار
صاحب أشهر قصة في مصر ده الجارح كريم البحار
إسلام فانتا في جبل نعسة وشارع تمانية إسمه نار
ده قال "صباحكم غاشا يا باشا" والدبابة كمل المسار
〈إسلام كابونجا وكالوشا〉
أول حد جه عليا كان أخويا اللي مميزه عني
شوفت قساوة منه وحشة ونسى إن أنا من دمه دمي
هو فلوسه شجعته إنه يقل معايا ويجرحني
الكفن مالهوش جيوب، آخرك متر في متر يا شقي

〈إسلام كابونجا〉
أنا حمل خصومتي وقدها
أنا خصمت الجيهة كلها
أي حكاية خالصة فتحتها
عاشق الدم، بحب الشر

〈كالوشا〉
الحمد لله عملت صيت
بس الصيت لبسني في حيط
خلاني أعرف ناس مظابيط
وعلى معاملتهم مضطر

〈إسلام كابونجا وكالوشا〉
كانوا عايزين يوقعوني، قالوا عني كلام ما عملتهوش
أيوة صحابي دمروني وبقيت بتلخبط في الوشوش
قولت أمشيها رجولية، آخره رجولتي الدنيا بوش
مش عارفين يوقعوني قالوا يحطوني في كلابوش

〈إسلام كابونجا وكالوشا〉
أي خصومة بعتمدها وبحب الشر زي عيني
أخصامي روحت منطقتها وأجبرت كبيرهم يراضيني
أي حكاية خدت صيتها، لسه ما إتخلقش اللي يعاديني
بايع حياتي قابض فلوسها وعايشها برازي اللي يرازيني
〈إسلام كابونجا وكالوشا〉
ليه يا نصيب وقفت بينا وبوظت علاقة حبنا؟
هي تسيبني سنة سنة وأنا مش بنساها وربنا
أنا ما أعرفش حاجة عنك يا اللي جرحتيني بكيتي عيني
أنا من قلبي جاي أقولك يا حبيبتي بجد وحشتيني
أيوة يا حبيبتي وحشتيني
أيوة يا حبيبتي وحشتيني

〈إسلام كابونجا〉
قلبي إتدمر من بعدها
وحشاني وأكيد أنا وحشتها
والنبي بقى حد يقولها
إن أنا محتاج أوي حضنها

〈كالوشا〉
وبرغم البعد وحشاني
بعدك مش لاقي حبيب تاني
ليه يا خوخة قدرتي تجرحيني؟
بعترف إني بقيت وحداني

〈إسلام كابونجا〉
إنت اللي سندني في دنيتي
إنت اللي ليا يا فردتي
على إيدك طلعت ضحكتي
وفي بعدك نزلت دمعتي
〈كالوشا〉
مستحملني في عصبيتي
يا أسطى إنت دليلي في سكتي
إنت يا أخويا سبب فرحتي
وبتفهم من نظرتي

〈إسلام كابونجا〉
السجن فيه واحد مننا
الحبسة دي بعدته عننا
إنت وحشتنا وربنا
طلعه يا رب، قادر يا كريم

〈كالوشا〉
هانت وخلاص راجعلنا
وهتبقى يا عم في وسطنا
إنت أما بعدت كسرتنا
لما تروح إمشيها سليم