original text at mamqa.com/ulyricsnew/adam-rener-qui-diceris-paraclitus-1813783
Qui diceris Paraclitus
Altissimi donum Dei
Fons vivus, ignis, caritas
Et spiritalis unctio
Tu septiformis munere
Digitus Paternae dexterae
Tu rite promissum Patris
Sermone ditans guttura
Accende lumen sensibus:
Infunde amorem cordibus:
Infirma nostri corporis
Virtute firmans perpeti
Hostem repellas longius
Pacemque dones protinus:
Ductore sic te praevio
Vitemus omne noxium
Per te sciamus da Patrem
Noscamus atque Filium;
Teque utriusque Spiritum
Credamus omni tempore
Deo Patri sit gloria
Et Filio qui a mortuis
Surrexit, ac Paraclito
In saeculorum saecula. Amen