Vanessa Ssaneva - Violência

Kel-li é nha stória
Na inísiu tudu era bunitu
Bu faze-m akredita m'o ta amaba mi
Na poku ténpu bu injuria-m, bu dispreza-m
Y bu kaba ku nha vida

Abri bos odju, kuzé ki sa pasa?
Mi é k'é mudjer kabuverdiana
Ku violénsia ka rezolve nada
Para bu pensa, para bu pensa

Abri bos odju, kuzé ki sa pasa?
Mi é k'é mudjer kabuverdiana
Ku violénsia ka rezolve nada
Para bu pensa, para bu pensa

N ta lenbra kumésu amor y sorizu, bo era anju déntu paraízu
Bu jura proteje bu mósa 〈.?.〉, déntu kaza faze kel k'é presizu
Ténpu ki pasa faze bu muda, prispi vira sapu nbutidu
Ténpu ki pasa forsa ka djuda, N odja ma di-nos foi éru di kupidu
Relason fartu, fardu, ómi 〈.?.〉 sen reziliénsia
Korason parte en parti kuandu bu parte pa violénsia
Bu uza bu raiva sima konbustível pa faze-m nha petu inflama
Sô k'u ta atinji nha korpu ma kada soku ta ta bati na alma

Ah, ka bu abuza di nha ser
Fla-m s'u pensa ma bu ten puder
Sô lágua, sô dór, sen nun prazer
Ka si k'u ta trata un mudjer
Para bu pensa
Para bu pеnsa
Pensa dôs, três bês
Antis di bu pô-m mon

Abri bos odju, kuzé ki sa pasa?
Mi é k'é mudjer kabuverdiana
Ku violénsia ka rеzolve nada
Para bu pensa, para bu pensa

Abri bos odju, kuzé ki sa pasa?
Mi é k'é mudjer kabuverdiana
Ku violénsia ka rezolve nada
Para bu pensa, para bu pensa

Mi é mudjer kabuverdiana, nada ka pode dete-m
Mi é mai, mi é fidju, spoza, nen N ka bu rafén
Mi dja N kansa ku es tortura, vida dura k'u faze-m
Préza na margura N ta atura injúria ki bu traze-m
Asin ka bale péna, kal k'é izénplu 'u da bu fidju?
Sai di noti, txiga sédu, agreson, korbérsu rixu
Bu perde grandi mudjer k'u tinha baxu puder
N ka krê rebaxa kabésa, ka bu abuza di nha ser

Para bu pensa
Para bu pensa
Pensa dôs, três bês
Antis di bu pô-m mon
Abri bos odju, kuzé ki sa pasa?
Mi é k'é mudjer kabuverdiana
Ku violénsia ka rezolve nada
Para bu pensa, para bu pensa

Abri bos odju, kuzé ki sa pasa?
Mi é k'é mudjer kabuverdiana
Ku violénsia ka rezolve nada
Para bu pensa, para bu pensa